Ciidamada dowladda Soomaaliya iyo kuwa deegaanka Macawuusley ee dhawwaan la wareegay deegaanada Moqokori iyo Yasooman ayaa wararku sheegayaan in goordhaw halkaasi isaga baxeen.

Sida aan wararka ku helnay ciidamada ka baxay deegaanada Moqokori iyo Yasooman ayaa gaaray degmooyinka Maxaas iyo Buuloburte ,waxaana halkaasi ciidamada mar kale ka wadaan abaabul.

Warar soo baxaya ayaa sheegaya in ciidamada sababaha ay deegaanadaasi uga soo baxeen salka ku heyso khilaaf soo kala dhax galay hoggaanada kala duwan ee horboodaya ciidamada huwanta ah ee dagaalka kawada gobolka Hiiraan.

Dedaalo la doonayay in ciidamada ka sugnaa Moqokori iyo Maxaas aysan kasoo bixin aagagooga ayaa guul dareestay, waxaana khilaafkan soo baxay saameyn xoogan ku yeelanayaa howlgaladii ka socday gobolka Hiiraan.

Shacabka ku dhaqan deegaanada Moqokori iyo Yasooman ee soo dhaweeyay ciidamada la wareegay deegaanadaasi ayaa cabsi xooggan lasoo daristay, waxa ayna shacabkan ka cabsi qabaan in dhibaato kala kulmaan dagaalyahanada Al Shabaab.

Alshabaab ayaana goordhow Shaaciyay inay Dib ula wareegeen Dhamaan Degaamadii ku Teeedsanaa Moqokori