Kooxda Al-Shabaab ayaa war cusub kasoo saartay weerarkii xooganaa ee todobadii bishan March lagu qaaday xero ay ciidamada Jubbaland iyo kuwa dowladda ay ku leeyihiin deegaanka Janaay Cabdalla ee gobolka Jubbada Hoose.
Al-Shabaab ayaa shaacisay magaca nin ajnabi ah oo fuliyay qaraxii koowaad ee ismiidaaminta ee lagu bilaabay weerarkaas oo dhacay subax aroor hore ah, kaas oo sababay khasaare lixaadleh oo soo gaaray ciidamadii ku sugnaa xerada la weeraray.
Magaca ninkan ayey kooxda Al-Shabaab ku sheegtay Dnayizeye Isxaaq Khaalid, kaas oo loo yaqaanay Showkaani, sida uu ku sheegay muuqaal dardaaran ah oo laga duubay kahor weerarkaasi.
Ninkan oo waday gaari xamuul ah oo qaraxyo laga soo buuxiyay ayaa wareysiga laga sii duubay oo ay haatan sii baahisay kooxda ku sheegay inuu u dhashay dalka Burundi oo kamid ah waddamada ay ciidamada ka joogaan Soomaaliya.
Sidoo kale wuxuu intaasi kusii daray in dhalasho ahaan uu kasoo jeedo Qowmiyadda Huutiga ee degtay dalka Burundi, isaga oo sheegay inuu muddo dheer joogay Soomaaliya.
Al-Shabaab ayaa horay u shaacisay in weerarkii xarunta gobolka banaadir ee dhacay 22-kii January ee sanadka 2023 uu wax ka fuliyay nin ajnabi ah oo u dhashay Kenya, waxaana ka horreeyay weerar kale oo 2-dii May ee sanadkii 2022 ka dhacay deegaanka Ceel Baraf ee gobolka Sh/Dhexe kaas oo uu isna fuliyay nin kale oo Kenyaan ah, kana tirsanaa kooxda.
Si kastaba, Kooxda Al-Shabaab ayaa waxaa ka barbar dagaalama Ajaaniib kala duwan oo haatan ku sugan Soomaaliya, kuwaas oo ka qeyb qaata weerarada ay kooxda ka fuliso dalka.
Dowladda Uganda ayaa ku baaqday in dib u heshiisiin loo sameeyo Madaxda Dowladda Federaalka Soomaaliya iyo kuwa Maamul Goboleedyada dalka, si loo soo afjari xiisad siyaasadeed ee ka dhexeysa Dowladda
Milatariga Israel ayaa sheegay in “fashil xagga xirfadda ah” uu horseeday dilka 15 ka mid ah shaqaalaha gargaarka degdegga ah ee Qasa bishii hore. Baaritaan lagu sameeyay dhacdadan oo ay
Wararka naga soo gaaraya gobolka Galgaduud ayaa xaqiijinaya in xalay lagu dilay Alle ha u naxariistee Sade Daahir Caanood Gulaafe, taliyihii hore ee ilaalada khaaska ah ee Madaxweyne ku-xigeenka Galmudug.
