Garsoore heer federaal ah oo ku sugan magaalada Seattle ayaa si ku meel gaar ah u joojinaya isku dayga madaxweyne Donald Trump uu kaga hortagayo carruurta ku dhalatay Mareykanka inay si toos ah u noqdaan muwaadiniin Mareykan ah.
Trump ayaa racfaan ka qaadan doona go’aanka maxkamadda.
Dhageysi maxkamadeed, garsoore John Coughenour wuxuu soo saaray amar ah in hindisaha aan la dhaqan gelin karin waqtigan. Dhageysiga ayaa socday wax ka yar nus saac.
– Waxaan hogaaminayay dacwadaha maxkamada in ka badan afartan sano. Ma xasuusan karo su’al ka imaaneysa kiiskan. Tani waa go’aan si cad uga soo horjeeda dastuurka, garsooraha ayaa yiri .
Maamulka Trump ayaa horay ugu dhawaaqay in hindisahan la dhaqan gelin doono 19-ka bisha Febraayo.
Jawiga qolka maxkamada ayaa ahaa mid aad u kulul iyadoo qareenka waaxda cadaalada Brett Shumate uu soo bandhigay doodaha go’aanka muwaadinimada. Garsoore Coughenour ayaa la-taliyaha ka joojiyay su’aasha tooska ah haddii uu u arkay wareegtada mid dastuuri ah mid sax ah.
Trump ayaa ku dhawaaqay habeen dambe oo Khamiis ah in go’aanka maxkamadda Seattle laga qaadan doono racfaan.
Gobollada Arizona, Illinois, Oregon iyo Washington, oo dhammaan ay maamulaan Dimuqraadiyiinta, ayaa ka dambeeya dalabka lagu joojinayo go’aanka Trump. Guud ahaan, ilaa 20 gobol iyo dhowr hay’adood ayaa su’aal galiyay go’aanka Trump.
