Garsoorayaasha iyo howlwadeennada Maxkamadda Sare ee Brazil ayaa Arbacadi shalay si deg deg ah halkaasi looga daad-gureeyay kaddib marki ay laba qarax oo waaweyn ka dhaceen meel u dhaw maxkamadda, sidaasi waxaa xaqiijiyay booliska Brazil.
Mid ka mid ah qaraxyada ayaa ka dhacay barxadda weyn ee u dhaxeysa aqalka Koongareeska iyo dhismaha Madaxtooyada ee magaalada caasimadda ah ee Brasilia. Boolisku waxay sheegeen in hal qof uu ku dhintay qarraxaas.
Qaraxyadan ayaa imanaya shan maalin ka hor inta uusan magaalada Rio de Janeiro ka furmin shirweynaha dalalka dhaqaalaha ku horumaray ee loo soo gaabiyo G20.
Bayaan kasoo baxay Maxkamadda Sare ayaa lagu sheegay in qaraxa uu ka dhacay goob lagu nasto oo u dhaw maxkamadda shalay gelinki danbe. Garsoorayaasha ayaa si nabad ah halkaasi looga daad gureeyay.
Booliska waxay sheegeen ninka ku dhintay goobta uu qarraxu ka dhacay ayaa waxaa ku xirnaa alaadaha qarxa, waxana meydkiisa loo baaray si taxaddar leh.
Mareykanka ayaa si cad u diiday inuu taageero qorshaha Qaramada Midoobay ee lagu maalgelinayo ciidamada nabad ilaalinta Midowga Afrika ee AUSSOM, kuwaas oo ka howlgala Soomaaliya. Tallaabadan ayaa dhalisay walaac
Dowladda Maraykanka ayaa qorshaynaysa in ay xidho ku dhawaad 30 safaaradood iyo qunsuliyadood oo ay ku leedahay waddamada caalamka, sida ku xusan dhukumeentiyo ay heshay CNN oo ay diyaarisay Waaxda
Waxaa maanata magaalada Muqdisho si rasmi ah uga bilaawday diiwaangalinta cod bixiyayaasha oo ah talaabadii ugu dambeysay ee ka harsanayd bilaabashada doorashada qof iyo codka ah ee golayaasha deegaanka. Guddoomiyaha
