Sannadkii hore, Madaxweyne Joe Biden xitaa kama uusan hadlin hadal uu ka jeediyay dabaaldegga Aqalka Cad ee Ramadaan ka hor inta uusan qof ku oran “waan ku jecelnahay.” Boqolaal muslimiin ah ayaa halkaasi ku sugnaa si ay u xusaan dhamaadka bisha barakeysan ee Ramadan.
Ma jiraan muuqaallo farxadeed oo sidan oo kale ah inta lagu guda jiray ramadaantan.
Muslimiinta Maraykanka ayaa aad ugu carooday taageerada Biden ee Israa’iil tan markii u billowday dagaalka Qasa 7-dii Octoober
Aqalka Cad ayaa doortay inuu qabto casho afur yar fiidnimadii Talaadada balse dadka kaliya ee ka qayb galay waxay ahaayeen dad u shaqeeya maamulkiisa.
“Waxaan ku jirnaa adduun ka duwan, dhab ahaantii waa khiyaali,waana arrin murugo ah” ayuu yiri Wa’el AlZayat oo hogaamiye ka ah ururka Emgage oo ah urur u dooda musliinta.
Alzayat waxa uu ka qayb galay afrukii sanadkii hore, laakiin waxa uu diiday casuumad afurinta Biden ee sanadkan, isaga yiri “Ma habboona in la sameeyo dabaal dag noocaas ah iyadoo ay macaluul ka jirto Qasa.”
Wuxuu intaa ku daray in Aqalka Cad looga baahan yahay iuu hagaajiyo qorshayashiisa. Alzayat wuxuu sheegay inuu aaminsan yahay in hal maalin aanay ku filnayn wakhti loogu diyaargaroobo fursad uu ku weeciyo maanka Biden ee khilaafka.
“Uma maleynayo in qaabku uu naftiisa ku bixin doono dood siyaasadeed oo dhab ah,” ayuu intaas raaciyey.
Diidmada laga muujiyey afurka ama xitaa in la isku yimaado ayaa cadayn cusub u ah sida uu u burburay xiriirka u dhaxeeya maamulka Biden iyo bulshada Muslimiinta ah lix bilood ka dib markii uu qarxay dagaaka Israa’iil iyo Xamaas.
Markii uu madaxweynaha Dimuqraaddigu xilka la wareegay saddex sano ka hor, hoggaamiyeyaal badan oo Muslimiin ah ayaa u heellanaa iyagoo boggaadiyey Biden maadama ay khaati kala taagnaayeen Trump oo xilka baneeyey.
Laakiin dimuqraadiyiinta ayaa ka baqaya in luminta taageerada Biden ee Musliiinta ay ka weecin karto ku soo laabashadiisa Aqalka Cad.
Doorashada sanadkan waxay u badan tahay inay ku xirnaan doonto tiro yar oo ka mid ah gobollada ay ku xooggan yihiin Muslimiinta sida gobolka Michigan.
Alzayat, wuxuu qabaa in labada nin oo ula jeedo Biden iyo Trump uusan wax farqi oo weyn u dhaxay taasi ay tahay buu yiir halis weyn.
Wuxuu intaas ku daray, “Ma fiicna in dadka loo sheego in Donald Trump uu ka sii dari doono.”
Dhowr hoggaamiye oo Muslimiin ah ayaa ka soo qayb galay kulanka Talaadada ee Biden, madaxweyne ku xigeenka Kamala Harris, saraakiisha dawladda Muslimka ah iyo hoggaamiyeyaasha amniga qaranka. Aqalka Cad ma magacaabi doono.
Iyadoo ka hadlaysay afurka, afhayeenka Aqalka Cad Jean-Pierre waxay sheegtay “Madaxweynuhu wuxuu sii wadi doonaa dhaqankiisa ah in la ixtiraamo bulshada Muslimiinta inta lagu jiro Ramadaanka.”
Kulankii afurka ee Aqalka cad xitaa looma oggolaan wariyaasha sidii sanadkii hore oo kale.
Nihad Cawad, oo ah agaasimaha fulinta ee golaha xidhiidhka Maraykanka iyo Islaamka, ayaa sheegay in uu ku dhiiri galiyay hogaamiyayaasha kale ee Muslimiinta in ay diidaan martiqaadyada Aqalka Cad haddii ay helaan.
Farriinta la wadaagay ayaa ahayd “ilaa uu ku baaqo xabbad joojin, ma jiri doono kulan isaga ama wakiilladiisa.”
“Waxaan aaminsanahay in madaxweynaha uu yahay qofka kaliya ee adduunka ka joojin kara arrintan, wuxuu qaban karaa taleefanka oo si dhab ah u sheegi karaa Benjamin Netanyahu, hub dambe ma jiro, kaliya joojiya, Benjamin Netanyahu ma heli doono doorasho aan ahayn inuu sidaas sameeyo.”ayuu yiri Nihad Cawad.
Dagaalku wuxuu billowday 7-dii Oktoobar markii Xamaas ay weerar lama filaan ah ku dishay 1,200 oo Israa’iiliyiin ah. Iyaga oo ka jawaabaya, Israa’iil waxay dishay ku dhawaad 33,000 oo Falastiiniyiin ah.
Maamulka Biden ayaa sii waday inuu ansixiyo hubka laga iibiyo Israa’iil xitaa iyadoo madaxwaynuhu ku booriyay hogaamiyaasha Israa’iill inay aad uga taxadaraan dhimashada rayidka oo uu ku dhiirigeliyo inay u ogolaadaan gargaar bini’aadantinimo oo dheeri ah oo gala Qasa.
