Hooyo kamid ah dadka deegaanka ee ku nool duleedka degmada Balcad ee gobolka Shabeelaha Dhexe ayaa ka sheekeysay qiso dhex-martay wiil dhalinyaro ah oo ku nool deegaankaasi iyo Al-Shabaab, kadib markii ay geeriyootay wiilka hooyadiis.
Wiilka oo ka xanaaqay arrintaas ayaa soo qaatay hubkiisa, wuxuuna laayay xubnii Al-Shabaab ee uu yimid, kadibna wuxuu gacanta ku dhigay sarkaalkii watay kooxda u timid isaga oo gowracay, sida ay sheegtay hooyada la hadashay warbaahinta.
“Hal maalin ayaa Al-Shabaab innoo yimaadeen oo maamo naga dhimatay Soon-qaad ayay ahayd waxayna yiraahdeen qaxwo la karimaayo, biyana la cabi maayo, igaarkii ay dhashay marxuumadda ayaa ku yiri dadkaan Sooman ayaan biyo u qasaa u qasi maysid ayaa la yiri, kadib inta qoray ka qaatay ninkiina bireeyay oo maha dhigay halihii la socday” ayay tiri.
Xildhibaan Cismaan Xaadoole oo ku sugnaa goobta ayaa isna ka hadlay dhacdadan, isaga oo bogaadiyay dadka deegaanka ee u istaagay iska dhicinta Al-Shabaab.
“Maamadii halkan ka hadleysay waxay tiri nimanaa noo yimid Shabaab mayd ayaan aasi maagnay kadib sadaqo ayaan la bixi maagnay, la bixi maysid ayuu yiri inta iyada oo qof la jrin qabtay ayuu gowracay maalinkaas ayaana Shabaab noogu dambeysay, wallee dadka gobol ayay weli kor saaran yihiin ” ayuu isna yiri xildhibaan Cismaan Xaadoole.
“Kasoo billow Raagge Ceelle iyo guud ahaan gobolka Shabeelaha Dhexe oo dhan dadka shacabka ah si fiican ayay Khawaarijta ula dagaameen” ayuu mar kale yiri.
