Wararka naga soo gaaraya gobolka Mudug ayaa sheegaya in la dilay Horjoogihii kooxda Al-Shabaab u qaabilsana Badda.
Horjoogahan ayaa waxaa lagu magacaabi jiray Bashiir Ciidle Barre, waxaana lagu dilay howl-galkaasi, sida ay mudug24 u xaqiijiyeen saraakiisha ciidanka.
Bashiir ayaa la dilay habeen hore salaaddii Maqrib kadib waxaana la xaqiijiyey in dhawaan uu dad shacab ah ku laayay deegaanka Howdley oo hoostaga Xarardheere, ayada oo ugu dambeyntii uu ku baxay gacmaha shacabka hubeysan.
Dilka Bashiir ayaana Ka Dhacay Magaalada Galdhabo oo Alshabaab Maamulaan Taas oo Macawislaydu Dhuumalaysi ku Galeen Kadibna Toogteen Bashiir Waxaana Usuurta Gashay inay ka Baxsadaan Deegaankaas Kadib Dilka Bashijr.
Maalmo kahor ayay aheyd markii howl-gal dhanka cirka ah oo ka dhacay deegaanka Nuun-Garre oo hoostaga degmada Awdheegle lagu dilay laba horjooge oo muddooyinkii dambe si aad ah loogu raadjoogay.
Labada horjooge ee lagu dilay howl-galkan ayaa kala ahaa; Cumaraani Maxamed Malaaq oo ahaa horjoogihii deegaanka Bariire iyo horjoogihii baadda iyo boobka dadka beeralayda ah u qaabilsanaa Khawaarijta kaasi oo lagu magacaabi jiray Saabir.
