Hogaamiyihii kooxda calooshood u shaqeystayaasha Wagner, Yevgeny Prigozhin, ayaa hadda ku dhintay shil diyaaradeed oo ka dhacay gudaha waddanka Ruushka, waxaa kaloo shilkaas ku nafwaayay 9 qof oo kale oo dayuuradda la saarnaa.
Madaxii kooxda Wagner Yevgeny Prigozhin ayaa ku jiray liiska rakaabka diyaarad ku burburtay Ruushka, oo ay ku dhinteen dhammaanba 10-kii qof ee saarnaa.
Waxaa la rumeysan yahay inuu diyaaradda saarnaa.
Goor sii horreysay, barta Telegram ee Grey Zone oo lala xiriiriyo Wagner ayaa shaacisay in diyaaradda ay difaaca cirka ku soo rideen gobolka Tver, oo waqooyi ka xiga Moscow.
Prigozhin ayaa hoggaaminayay kacdoonkii dhicisoobay ee ka dhanka ahaa ciidamada Ruushka, bishii June.
Ad
