Ciidamada booliiska ee ka howlagala saldhiga degmada Yaqshiid ee gobolka Banaadir ayaa ku guuleestay in ay gacanta ku dhigaan burcad hubeesan oo ka dhac ka geesanayay xaafado katirsan degmadaasi.
Burcadan hubeesan ayaa lasoo qabtay xilli ay wateen mooto bajaaj iyo qoryo ayna dadka shacabka ah dhac u geesanayeen, waxaana xogta burcadan hubeesan laamaha ammaanka la wadaagay shacabka degan Yaqshiid.
Taliska booliiska gobolka Banaadir ayaa sheegay in ciidamada amniga gacanta ku hayaan buracada hubeesan ee dhaca geesaneysay, waxa uuna taliska sheegay in burcadaasi loo gudbiyay xabsiga lana marsiinayo cadaaladda.
Burcada hubeesan ee adeegsada mootooyinka bajaajta ayaa muddooyinkan kusoo badanayay magaalada Muqdisho, ciidamada ammaanka ayaana wada howlgalo ay kula dagaalamayaan burcada hubeesan iyo ciyaalka weerarada.
