Golaha Wasiirrada Xukuumadda Jamhuuriyadda Federaalka Soomaaliya ayaa maanta oo Khamiis ah yeeshay kulankooda toddobaadlaha ah.
Golaha ayaa meel-mariyey dib-u-eegista xwer-nidaamiyaha aqoonsiga iyo diiwaan-gelinta dadweynaha iyo heshiis is-afgarad ee la xiriira iskaashiga siyaasadda oo ay wada gaareen dalalka Soomaaliya iyo Norway.
Shirka oo uu guddoominayey ku-simaha ra’iisul wasaaraha ahna ra’iisul wasaare ku-xigeenka Soomaaliya Saalax Axmed Jaamac ayaa sidoo kale warbixinno ku saabsan amniga dalka looga dhageystay wasaaradaha amniga gudaha iyo gaashaandhigga.
Masuuliyiinta labada wasaaradood ayaa soo bandhigay warbixinno la xiriira halka uu marayo howl-gallada lagu cirib-tirayo kooxaha argagixisada ee Al-Shabaab iyo Daacish iyo xasillinta amniga dalka.
Sidoo kale, Golaha ayaa warbixinno la xiriira safarro shaqo oo ay ku tageen dalka dibaddiisa ka dhageystay wasaaradaha caafimaadka iyo daryeelka bulshada, isgaarsiinta iyo tiknoloojiyadda, maaliyadda, gaadiidka iyo duulista hawada iyo wasaaradda beeraha iyo waraabka.
Wasiiraddan ayaa intii uu socday kulanka soo bandhigay guulihii ay xaqiijiyeen safarradooda, sida lagu yiri qoraal uu xafiiska ra’iisul wasaaraha kasoo saaray kulankaan.
Soomaaliya ayaa muddooyinkii ugu dambeysay sameyneysay horumar dhanka islaashiga dibadda ah, waxayna dalal waa wayn lasoo gashay heshiis muhiim ah iyo kuwa kale oo quseeya difaaca guud ee dalka.
