Home Wararka Maanta Wararkii Ugu Danbeeyey Taliyeyaal ku dhaawacmay qarax culus oo ka dhacay degmada…..

Wararkii Ugu Danbeeyey Taliyeyaal ku dhaawacmay qarax culus oo ka dhacay degmada…..

0

Warar dheeraad ah ayaa kasoo baxaya khasaaraha ka dhashay qarax xoogan oo xalay ka dhacay qaybo kamid ah degmada Qoryooley ee gobolka Shabeelaha Hoose, kaas oo lala beegsaday goob ay ku sugnaayeen saraakiisha amniga degmada iyo ciidamada booliska.

Qaraxa oo ahaa miino ayaa waxaa lagu soo warramagaa inuu ka dhacay agagaarka buundada degmada Qoryooley, waxaana ka dhashay khasaare leh dhimasho iyo dhaawac.

Inta la xaqiijiyay waxaa qaraxan ku dhintay ugu yaraan laba askari, halka ay ku dhaawacmeen saraakiil iyo askar kale oo goobta joogay.

Dadka dhaawacmay waxaa kamid ah taliyaha booliska Qoryooley Cali Waal iyo Cabdiraxmaan Cadow oo ah taliyihii hore Nabad-sugidda ee degmadaasi, sida ay innoo sheegeen ilo wareedyo xilkas ah.

Kooxda Al-Shabaab ayaa sheegatay mas’uuliyadda weerarkan loo adeegsaday qaraxa miino, waxayna sheegtay inay ku dishay saraakiil iyo askar badan, sida ay hadalka u dhigtay.

Xaaladda ayaa haatan ah mid deggan, waxaana Qoryooley iyo agagaarkeeda howlgallo ka wada ciidamada ammaanka iyo kuwa ATMIS ee ka howlgalka halkaasi.

Ma jiro wax hadal ah oo kasoo baxay maamulka degmada iyo saraakiisha laamaha amniga oo ku aadan qaraxaas iyo howlgallada xigay.

Qoryooley oo ka tirsan Shabeelaha Hoose ayaa waxaa badanaa ka dhaca weeraro culus oo ay kusoo qaadaan xubnaha Al-Shabaab oo weli ku xoogan qaybo kamid ah gobolkaasi.
Ad
Previous articleMadaale oo Garaacay Saraakiil iyo Gabdho kuwada Jiray….
Next articleBeeshee ayuu kasoo Jeeday ninkii isku Qarxiyay Albaabka Hore ee Hotel SYL?

LEAVE A REPLY

Please enter your comment!
Please enter your name here