Home wararka Dalka Maamul goboleedkii labaad oo mamnuucay in Fagaarayaal iyo Masaajida lagu dukado Salaada...

Maamul goboleedkii labaad oo mamnuucay in Fagaarayaal iyo Masaajida lagu dukado Salaada Ciida

0

Maamul goboleedka Puntland ayaa soo saaray amar lagu mamnuucayo in fagaarayaal iyo masaajida kuyaala deegaanada maamulkaasi lagu dukado salaada ciidul fidriga.

Wasiirka Cadaaladda Puntland Cawil Sheekh Xaamud ayaa sheegay in la mamnuucay in fagaarayaasha iyo masaajida lagu dukado salaada ciida si looga hortago faafitaanka cudurka Caronavirus.

Waxa uu sheegay Wasiirka in talaabadan u qaadeen si looga hortago in uu sii faafo cudurka caronavirus oo kiisas badan laga helay deegaanada maamulka Puntland sidoo kale dad ugu dhinteen.

Wasiirka Cadaalada maamulka Puntland ayaa sidoo kale shaaciyay in Ciida kadib dib loo furi doono dugsiyada Quraanka lagu barto, waxa uuna sheegay in shuruudo lagu xiri doono dugsiyada Quraanka ee dib loo furayo.

Maamulka Somaliland ayaa sidaan oo kale u mamnuucay in masaajida iyo fagaarayaasha deegaanadaasi lagu dukado salaada ciida, waxaa sidoo kale maamulkaasi mamnuucay goobaha caruurta dalxiis ahaanta loo geeyo maalmaha ciida.

10 ku laabo mudug24 xiriir

LEAVE A REPLY

Please enter your comment!
Please enter your name here