Dagaal culus ayaa ka qarxay bariga Jamhuuriyadda Dimuqraadiga ah ee Congo kaasoo u dhexeeya ciidamada dowladda iyo dagaalyahannada jabhadda M23. Saraakiisha deegaanka ayaa sheegay in ciidamada lagu weeraray deegaanka Bunagana oo u dhow xadka Ugandha.
Dowladda Kongo ayaa ku eedeysay Rwanda inay taageerto fallaagada – oo u badan malleeshiyada Tutsiga. Dowladda Kigali waa ay beenisay arrintaas. Laanqeyrta cas ayaa sheegtay in maalmihii la soo dhaafay dhowr kun oo qof ay ka qaxeen Bunagana una galeen Uganda.
Colaadda dib usoo cusboonaatay ayaa xumeysay xiriirka Rwanda iyo Congo. Sabtidii QM waxay ugu baaqday dhammaan dhinacyada inay joojiyaan rabshadaha.
Ad
