Home wararka Dalka Sawiro Saameenta ka dhalatay Roobab ka da’ay Magaalada Muqdisho

Sawiro Saameenta ka dhalatay Roobab ka da’ay Magaalada Muqdisho

0

Magaalada Muqdisho in ka badan 30 saacadood waxaa ka socda roobab xooggan oo saameyn kala duwan ku yeeshay socodka dadka, gaadiidka iyo ganacsiga, khasaarooyin kala duwana geystay inkastoo kuleylkii jiray looga reystay.

Meelaha saameynta ay ku yeesheen roobabka ayaa waxaa ka mid ah wadada Maka Al Mukarama oo ah mida ugu mashquulka badan magaalada Muqdisho.

Wadada ayaa waxaa caawa buux dhaafiyey biyo aad u fara badan iyo daadad ka soo rogmaday roobabka oo ka soo rogmaday xaafadaha taaga ee xiga dhinaca degmada Waaberi, iyadoo isku bedeshay sida webi oo kale.

Waxaa la arkayey gaadiid badan iyo mootooyinka bajaajka oo ku dhex damay biyaha laamiga buux dhaafiyey oo ahaa kuwo aan caadi aheyn, gaadiidka qaarkoodna waxaa qariyey biyaha laamiga qulqulayey.

Sidoo kale daadadka roobka ayaa gudaha u galay qaar ka mid ah goobaha ganacsiga ee ku teedsan wadada Maka Al-Mukarama, waxaana ka mid ah goobaha ay biyuhu dhex fadhiisteen maqaayado, carwooyin, hotelo iyo dukaamo kala duwan.

Inkastoo aan weli la soo sheegin khasaare nafeed oo ka dhashay roobabkan saacadihii la soo dhaafay ka socday Muqdisho iyo nawaaxigeeda haddana waa roobabkii ugu waaweynaa ee magaalada ka da’da sanadahan dambe, waxaana roobabkan la saadaalinayaa iney sii socon doonaan maalmaha soo socda.

10 ku laabo mudug24 xiriir

LEAVE A REPLY

Please enter your comment!
Please enter your name here