Ciidanka xoogga dalka, gaar ahaan DANAB iyo GorGor ayaa saaka magaalada Galcad ee gobolka Galgaduud kala wareegay kooxda Al-Shabaab kadib markii ay ciidamada weerar dhowr jiho ah ku qaadeen magaaladaasi.
Wararka ayaa intaas kusii daraya in haatan ay ciidamada xoogga dalka ay bilaabeen baaritaanno lagu xaqiijinayo amniga magaalada Galcad ee gobolma Galgaduud.
Taliyaha Ciidanka xoogga dalka General Odowaa Yuusuf Raage oo la hadlay warbaahinta dowladda ayaa waxa u sheegay in Galcad si buuxda ciidanku ula wareegay, loona sii gudbi doono deegaanada kale ee gobolkaasi.
“Wixii markaan ka dambeeya waxaa loo gudbi doono deegaanada kale ee (Al-Shabaab) ay ka joogaan gobolkaasi iyo guud ahaan dalka,” ayuu yiri General Odowaa Yuusuf Raage.
Degmada Galcad ayaa waxaa todobaadyadii la soo dhaafay ku sugnaa Al-Shabaab oo la wareegay markii ay ciidamada dowladda iyo kuwa degaanka isaga baxeen, waxaana hadda xaaladda degmada Galcad ay tahay mid degan.
Galcad oo kamid ah degmooyinka muhiimka ah ee gobolka Galgaduud ayaa waxay ciidamada dowladda isaga baxeen horaantii sanadkaan kadib markii ay la wareegeen, markaas uu ka dhacay weerar qaraxyo ku billowday oo ay ku qaadeen Al-Shabaab, kaasi oo uu ku geeriyooday taliyihii ciidanka DANAB Gaashaanle Xasan Maxamed Cismaan oo ku magac-dheera Xasan Tuure.
