Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa boqolaal shacab ah maanta Salaada Ciidul Fitriga kula dukaday Degmada Kaaraan ee Magaalada Muqdisho.
Guddoomiye Kuxigeenka Amniga iyo Siyaasadda Maamulka Gobolka Banaadir, Guddoomiye Kuxigeenka Arrimaha Bulshada iyo Wacyigelinta, Taliyaha Qeybta Guud ee Booliska Gobolka Banaadir, Guddoomiyeyaal Degmo, xunno ka tirsan Mas’uuliyiinta Maamulka Gobolka Banaadir iyo Laamaha Amaanka ayaa sidoo kale Salaada Ciida halkaasi ku oogay.
Magaalada Muqdisho iyo inta badan gobolada dalka Somalia ayaa maanta si isku mid ah waxaa uga socda dabaaldegyo loo sameynayo munaasabada maalinta 1aad ee ciidul Fitriga ka dib markii ay dhamaatay bishii barakeysneyd ee Ramadaan oo shalay ku ekeyd, taasoo dadka muslimiiinta ee caalamka ay soo guteen waajibaadka soonka oo ah mid ka mid ah shanta tiir ee Islaamka.
Dadweyne fara badan ayaa saaka u dareeray masaajidada iyo goobo kale oo loo cayimay halkaasoo ay ku soo tukadeen salaadii ciidul fitriga iyagoo intooda badan ku lebisnaa dhar aad u qurux badan oo ay ugu talo galeen munaasabada ciida iney ku soo dhoweeyaan.
