Home wararka Dalka Banaanbaxyo ka Socda Magaalada Gaalkacyo Maanta oo loogo soo horjeeso Dowlada

Banaanbaxyo ka Socda Magaalada Gaalkacyo Maanta oo loogo soo horjeeso Dowlada

0

Magaalada Gaalkacyo ee Xarunta Gobolka Mudug ayaa waxaa Goordhow ka bilowday banaanbax xoogan oo looga soo horjeedo Go’aankii kasoo yeeray Wasiirka Waxbarashada Soomaaliya.

Dad u badan Ardayda Dugsiyada sare ee Gaalkacyo ayaa isugu soo baxay bartamaha Magaalada,kuwasi oo si weyn uga soo horjeeda Go’aankii Wasiir Goodax Barre uu ku joojiyay kuna baabi’iyay Imtixaankii Shahaadiga ahaa ee u socday 31,500 oo ardayn.

Sawirro laga soo qaaday Arday banaanbaxa ka bilaabay Gaalkacyo ayaa muujinaya inay wataan Dharka Iskuulada ay waxka bartaan eek u yaalla halkaasi,isla markaana waxaa ay yihiin kuwo aad u careysan.

Shalay Magalada Muqdisho iyo qaar kamid ah Gobolada dalka ayaa waxaa banaanbaxyo xoogan ka dhigay Arday ka soo horjeeday Go’aankii habeen horey uu ku dhawaaqay Wasiirka Wasaaradda Waxbarashada Xukuumadda Soomaaliya Cabdullaahi Goodax Barre,kaasi oo ahaa in gabi ahaanba la joojiyay lana baari’iyay Imtixaankii Mideysnaa oo ay qaadesay dowladda,kadib markii qaar kamid ah Maadooyinka loo helay qaab qish ah.

Dhinaca kale Wasiirka Waxbarashada ayaa shaaciyay in imtixaanka dib loo geli doono 27-ka bishan May oo ay naga xigaan maalmo kooban.

10 ku laabo mudug24 xiriir

LEAVE A REPLY

Please enter your comment!
Please enter your name here