Guddoomiyaha Aqalka Sare, Senator Abdi Hashi Abdullahi, ayaa u magacaabay xilka Xoghayaha Guud ee Aqalka sare Mudane Cabdinaasir Ibraahim Guuleed, markii uu tixgeliyay aqootiisa iyo waayo-aragtimadiisa shaqo.
Dhinaca kale, Guddoomiyaha Aqalka Sare Senator Abdi Hashi Abdullahi, ayaa shir guddoomiyay kalfadhiga labaad kulankiisa 1-aad ee Golaha Aqalka Sare oo ajandihiisu ahaa ansixinta Xubinta guddiga Dastuurka ee OC iyo Ka doodista iyo wax ka baddalka Xeer-hoosaadka Aqalka Sare.
Guddoomiyaha Guddiga Xeer-hoosaadka Aqalka Sare sSenator Cabdiwali Maxamed Ibraahim (Xaabsade) ayaa Sanatarrada u faahfaahiyay qodobada Xeer-hoosaadka ee ay wax ka bedelka, toosinta iyo sixitaanka ay ku sameeyeen..
Senator Saed Abdi Hussein (Cawke) ayaa ka mid noqday xubnaha Guddiga dib u eegista iyo la socodka Dastuurka ee Baarlamaanka JFS, kadib markii maanta uu Golaha Aqalka Sare ka helay codka kalsoonida.
