Home Wararka caalamka Akhriso Ninkii Weeraray Garoonka Diyaaradaha Florida oo sheegay Sababta uu u weeraray...

Akhriso Ninkii Weeraray Garoonka Diyaaradaha Florida oo sheegay Sababta uu u weeraray Garoonka,,,

0
SHARE

Saraakiisha Booliska gobolka Florida ee dalka Maraykanka ayaa su’aalo weydiiyey ninkii dableyda ahaa ee shanta qof ku dilay sideedda kalena ku dhaawacay ka Fort Lauderdale.

Waxaa uu ninkani Booliska u sheegay in dawladdu maskaxda ka haysato oo ay ku dirqido inuu daawado video-yada ay internet-ka ku baahiyaan kooxaha jihad doonka ah.

Esteban Santiago oo lix iyo labaatan jir ah ayaa wuxuu ahaan jiray askari Maraykan ah oo ka soo dagaalamay Ciraaq.

Hase ahaatee Shaqadii uu ka hayay xerada ciidanka ee Alaska National Guard ayaa looga eryay in uu waajibaadkiisii sidoodii uga soo bixi waayay awgeed. 

Boolisku waxay sheegeen in aanay meesha ka saarayn in waxa falkan ninka ku dhaliyey ay noqon karto argagixisonimo.

Balse Warbaahinta Maraykanka ayaa sheegtay inay suurto gal tahay in ninku aanu maskax ahaan degeneyn.

Nin ay walaalo yihiin ayaa isna sheegay in Esteban Santiago muddoba laga dawaynayey cudurrada maskaxda uuna ahaa qof isku buuqsan.

LEAVE A REPLY

Please enter your comment!
Please enter your name here