Home Wararka Maanta Ciidanka Danab oo Weerar Culus ku Qaaday Deegaan ka Tirsan Galmudug

Ciidanka Danab oo Weerar Culus ku Qaaday Deegaan ka Tirsan Galmudug

0
Ciidanka milatariga Soomaaliya, gaar ahaan kuwa sida gaarka ah u tababaran ee kumaandooska Danab, ayaa howlgal qorsheesan ka fuliyay deegaanka Budbud ee gobolka Galgaduud, halkaas oo fariisimo ku lahaayeen dagaalyahanno katirsan Al Shabaab.

Taliyaha Guutada 16-aad Ciidanka kumaandooska Danab XDS G/Dhexe Axmed Cabdullaahi Nuur Beeryare ayaa warbaahinta dowladda u sheegay in howlgal ka fuliyeen deegaanka Budbud , ayna halkaasi ku bur buriyeen fariisimihii Al Shabaab.

Waxa uu sheegay taliyaha intii ay hawlgalka wadeen ciidamada Danab in ay ku bur buriyeen goobo ay ku kaydsanaan sunta iyo alaadaha kale ee ay Al Shabaab ka sameeyan walxaha qarxa iyo goobo kale oo keyd hub u ahaa.

Deegaanka Budbud oo bilooyin kahor ciidanka dowladda qabsadeen ayaa dib ugu laabtay gacanta Al Shabaab , kaddib weerar xooggan oo Al Shabaab ku qaadeen xeryo deegaankaasi ku lahaayeen ciidanka dowladda.

Ad
Previous articleXasan shiikh oo Faahfahiyay Shirkii Shalay Muqdisho lagu soo Gabagabeeyey iyo Talaabada Xigta ee la Qaadi doono
Next articleWararkii Ugu Danbeeyey Alshabaab oo Xalay Muqdisho Weerar ka Gaystay

LEAVE A REPLY

Please enter your comment!
Please enter your name here