Home galmudug Magaalada Guriceel oo lagu soo rogay Awaamiir kala duwan

Magaalada Guriceel oo lagu soo rogay Awaamiir kala duwan

0

Kulankan ayaa waxaa shir guddoominayay Gudoomiyaha Degmada Guriceel, Cabdullaahi Maxamed Barre, waxaana si dhow looga hadlay arrimaha amniga iyo sidii amniga, uu u ahaan lahaa mid la isku halleen karo.

Kulanka Guddiga Amniga ee Degmada Guriceel ayaa waxaa laga soo saaray dhawr qodob, oo ay ka mid yihiin inaanan magaalada lagu arki karin dad wata hub sharci darro ah, ciddii lagu qabtana ay la kulmi doonto hubka oo laga qaado iyo xabsi, in magaalada laga mamnuucay waxyaabaha maanka dooriya, ciddii lagu arkana ay la kulmi doonto xabsi iyo in aan magaalada lagu arki karin gaadiidka leh muraayadaha madow ee beensalka loo yaqaano,

Sidoo kale waxaa Maamulada Hoteelada & Hay’adaha ka hawlgala Magaalada Guriceel lagu wargeliyay in ay soo diiwaangeliyan hubkooda iyo tirada askartooda, si loola socdo dhaqdhaqaaqa amniga.

Maamulada Hoteelada ayaa waxaa lagu amray in laga doonayo in ay soo diiwaangeliyan cid kasta oo ku soo degta hoteeladooda, iyadoo tani loo arkay mid qayb ka noqon karta xaqiijinta amniga magaalada.

Awaamiirta lagu soo rogay Magaalada Guriceel ayaa waxaa Saxaafadda u akhriyay Macalin Qaasim Sheekh Mire, Madaxa Warfaafinta Guriceel.

Ka dib markii uu is bedel ku yimid Maamulkii Guriceel ayaa waxay Dowladda Federaalka muujinaysaa dadaalo, ay ku dooneyso in ay ku xoojiso amniga magaalada.

10 ku laabo mudug24 xiriir

LEAVE A REPLY

Please enter your comment!
Please enter your name here