Home Wararka Maanta Khayre iyo Shiikh Shariif oo Xamar Ka Wada Qorshe Culus oo Xasan...

Khayre iyo Shiikh Shariif oo Xamar Ka Wada Qorshe Culus oo Xasan Shiikh Qorshihiisa Muda kordhinta Looga Hortagaayo iyo Farmaajo oo Taageeray Xasan Shiikh

0

Ra’iisul Wasaarihii hore ee Soomaaliya Xasan Cali Kheyre ayaa shalay soo gaaray magaalada Muqdisho, xilli uu dhismayo mucaarad xooggan oo kasoo horjeeda madaxweyne Xasan Sheekh Maxamuud.

Kheyre ayaa waxaa garoonka Aadan Cadde kusoo dhoweeyey qaar ka mid ah xildhibaannada golaha shacabka, senatarro, odayaal dhaqameed iyo siyaasiyiin ku beel ah.

Sida ay warbaahintu xog ku heshay, imaatinka Kheyre ayaa la xiriira kulan la filayo inay Muqdisho ku yeeshaan siyaasiyiin miisaan culus leh oo diidan in wax laga beddelo dastuurka dalka, sida uu doonayo madaxweyne Xasan Sheekh.

Xubnahaas ayaa waxaa ka mid ah madaxweynihii hore ee Soomaaliya Shariif Sheekh Axmed, Ra’iisul Wasaarihii hore Xasan Cali Kheyre, Xildhibaan Cabdiraxmaan Cabdishakuur, Xildhibaan Cabdulqaadir Cosoble iyo xubno kale, oo dhammaantood Xasan Sheekh kula mideysnaa isbaheysiga mucaaradka markii uu madaxweyne ahaa Farmaajo.

Inkasta oo weli aan la cayimin taariikhda shirka, haddana sida ilo wareedyo kala duwan ay Warbaahinta  u xaqiijiyeen, mas’uuliyiintan ayaa khatar siyaasadeed u arka wax ka bedelka dastuurka dalka.

Qodobka ay sida weyn u diidan yihiin waa nidaamka ku dhisan madaxtooyada ee Madaxweyne iyo madaxweyne ku-xigeen, kaas oo kooxda madaxweyne Xasan Sheekh ay doonayaan inay hir-geliyaan, loona arko isku day awood uu isugu koobayo Xasan Sheekh.

Maalmihii lasoo dhaafay, madaxweyne Xasan Sheekh ayaa sii billaabay olole ku wajahan xildhibaannada labada aqal ee baarlamanka, kuwaas oo lagu qalqaalinayo inay ansixiyaan qorshaha wax ka bedelka dastuurka.

Si kastaba, waxaa xusid mudan in xubnaha mucaaradka uusan ka mid aheyn madaxweynihii hore ee Soomaaliya Maxamed Cabdullaahi Farmaajo oo fadhiggiisu yahay magaalada Doha ee dalka Qatar.
Ad
Previous articleQoor Qoor oo Tageeray Qorshe uu Watay Madaxweyne Xasan shiikh
Next articleBooliska Soomaaliya oo baafinaya dahab baadi ah oo ay Hayaan

LEAVE A REPLY

Please enter your comment!
Please enter your name here