Home Wararka Somaliya Caasimada Gamudug ee Dhuusomareeb oo lagu qabanayo Shirka uu ku dhawaaqay Madaxweyne...

Caasimada Gamudug ee Dhuusomareeb oo lagu qabanayo Shirka uu ku dhawaaqay Madaxweyne Farmaajo

0

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa iclamiyey kulan ay iskugu imaanayaan madaxda dawlad gobaleedyada dalka iyo kuwa dawladda Faderaalka, kaas oo loga wada hadlayo arrimaha doorashooyinka ee dalka, gaar ahaana dhacdooyinkii u dambeyeey.

Qoraalka Madaxweynaha ayaa lagu sheegay in Madaxweynuhu tixgaliyey xaaladda siyaasadeed iyo mida Amni ee dalka, iyo baahida loo qabo in la gudagalo qabsoomida doorashadii ay horey ugu heshiiyen dhinacyada siyaasadda ee Soomaaliya.

1- Madaxweynuhu wuxuu shir iskugu yeerayaa madaxda Dowlad Goboleedyadda dalka iyo Gobolka Banaadir.

2- Shirkaas waxaa lagu qabanayaa magaalada Samareeb ee caasimadda Dowlad Goboleedka Galmudug.

3- Shirkan wadatashiga ah waxaa uu socon doonaa inta u dhaxaysa 1-da ilaa 3-da bisha Febraayo 2021.

4- Shirka wadatashiga ee Madaxweynuhu isugu yeerayo Madaxda Dowlad Goboleedyada, waxaa saldhig u ah heshiiskii 17-ka Sebteembar 2020 laga gaaray hannaanka doorashooyinka, ayna meelmariyeen Labada Aqal ee Baarlamaanka Federaalka Soomaaliya.

5- Madaxweynuhu isaga oo gudanaya waajibkiisa Dastuuriga ah wuxuu 5-ta bisha Febraayo, 2021 shir degdeg ah isugu yeerayaa xubnaha Labada Aqal ee Baarlamaanka Fedraalka Soomaaliya, si uu warbixin uga siiyo xaaladda guud ee dalka iyo gaar ahaan doorashooyinka dalka.

Ad
Previous articleSawiro: Duqa Degmada Gaalkacyo Cabdiraxmaan Shiikh Xasan oo Xili habeen ah kormeeray wadooyinka Gaalkacyo
Next articleJubbaland oo war kasoo saartay Shirkii uu ku baaqay Madaxweyne Farmaajo

LEAVE A REPLY

Please enter your comment!
Please enter your name here