Home Wararka caalamka Dowlada Iiraan oo eedeyn kulul u jeedisay Dalka Sacuudiga oo Xiisad kala...

Dowlada Iiraan oo eedeyn kulul u jeedisay Dalka Sacuudiga oo Xiisad kala dhaxeyso

0

Iran ayaa ku eedeysay Sacuudiga inay kala qeybsanaan ka abuurayaan gobolka si ay ugu faa’iideeyaan Israel, kadib markii boqortooyada ay marti-gelisay kulan madaxeed ay leeyihiin hogaamiyayaasha Carabta iyo Khaliijka, oo lagu raadinayo taageero ka dhan ah Jamhuuriyadda Islaamiga ah.

“Sacuudi Carabiya waxay waddaa inay kala qeybsanaan ku dhex faafiso dalalka Islaamka iyo kuwa gobolka, taasi oo ah waxa ay jecel yihiin maamulka Zahnuuniyadda” waxaa sidaas yiri afhayeenka wasaaradda arrimaha dibedda Iran, Seyed Abbas Mousavi.

“Waxaan aragnaa isku dayada Sacuudi Carabiya ay isku keeneyso dalalka deriska iyo kuwa Carbeed ee ka dhanka ah Iran, taasi oo qeyb ka ah isku dayada aan miro-dhalka ahayn ee maamulka Mareykanka iyo kan Yahuudda” ayuu ku daray.

Mousavi ayaa niyad-jab ka muujiyey in Riyadh ay weli waddo “eedyemo aan sal lahayn” oo ka dhan ah Iran, ayada oo ka faa’iideysanaysa marti-gelinta shirka Islaamka.

Boqorka Sacuudiga, Salman Bin Cabdulcaziz ayaa maanta sii xoojiyey weerarka ka dhanka ah Tehran isaga oo dalalka Carabta ugu baaqay inay ka hor tagaan ficillada “dambiyeed” ee Iran.

Sacuudiga ayaa magaalada Makkah ku marti-gelinaya laba shir oo ay kala leeyihiin dalalka Carabta iyo kuwa Islaamka, kuwaas oo ka dhan ah Iran, waxaana ka qeyb-galaya dhammaan dalalka Carabta marka laga reebo Iraq.

10 ku laabo mudug24 xiriir

LEAVE A REPLY

Please enter your comment!
Please enter your name here