Golaha wasiiradda xukuumadda Soomaaliya oo maanta kulankooda caadiga ah yeeshay ayaa kaga dooday arrimo kala duwan , waxaana intii shirka socday golaha sameeyeen xil ka qaadis iyo magacaabis.
Wasiirka maaliyadda xukuumadda Soomaaliya Dr. Cilmi Maxamuud Nuur ayaa golaha wasiiradda usoo jeediyay xil ka qaadis lagu sameeyo guddoomiye kuxigeenka bangiga dhaxe ee Soomaaliya iyo magacaabista guddoomiye kuxigeenka cusub.
Maryan Macalin oo aheyd muddo ka badan 6 sanno guddoomiye kuxigeenka bangiga dhaxe ee Soomaaliya ayaa xilkaasi laga qaaday, waxaana loo magacaabay xilkaasi Dr. Cali Yaasiin Sheekh Cali oo ah nin aqoonyahan ah oo katirsanaa wasaaradda haweenka.
Golaha wasiiradda xukuumadda Soomaaliya ayaa dhawwaan sidoo kale la filayaa in ay sameeyaan xil ka qaadis iyo magacabais masuuliyiin dhoor ah oo soo shaqeeyay waqti dheer una badan xubnaha ku dhaw dhaw Madaxweyne hore Farmaajo.
