Hay’adda Duulista Rayidka Soomaaliyeed ayaa soo saartay qoraal digniin oo ku socda shirkadaha duulimaadka Soomaaliya, kuwaa oo caado ka dhigtay in ay ku silciyaan dadka rakaabka gudaha garoonka diyaaradaha Aadan Cadde ee magaalada Muqdisho
Qoraalka kasoo baxay hay’adda Duulista Rayidka ayaa lagu sheegay in ay soo gaareen cabashooyin badan oo laga gudbiyay shirkadaha diyaaradaha oo dadka rakaabka ah waqti badan ku haya terminaalka garoonka diyaaradaha .
Shirkadaha diyaaradaha ayaa looga digay in 3 saacadood ka badan aysan rakaabka safraya garoonka ku heyn karin iyo in aan shacabka la balamin karin iyadoo loo heyn diyaaradii ay raaci lahaayeen lana hubin bad-qabka diyaaradaasi safarka u baxaeysa.
Shirkada Maandeeq oo shalay U Safraysay Gaalkacyo ayaa isku dayday inay Baajiso Rakaab Subixii Hore Soogalay Garoonka Aadan Cadde Rakaabkaas oo Gaaryay 50 Qof ayaa Diiday inay Ka Baxaan Gudaha Garoonka Taas oo Sababtay in Galinkii Danbe Dowladu Ku Qasabto in La aqaado Rakaabkaas.
