Ra’iisul-wasaarihii hore ee Jarmalka Angela Merkel ayaa heshay abaalmarinta Nansen Prize, oo ay bixiso hay’adda Qaramada Midoobay u qaabilsan qaxootiga.
Waxay ku heshay go’aankeeda ah in ay martigeliso magan-galyo-doon intii ay mas’uul ka ahayd shaqadeeda. “Iyadoo lagu caawinayo in ka badan hal milyan oo qaxooti ah si ay u noolaadaan oo ay dib u dhistaan noloshooda, Angela Merkel waxay muujisay geesinimo akhlaaqeed iyo mid siyaasadeed,” ayuu madaxweynaha guddiga Filippo Grandi.
Jarmalku waxa uu qaabilay in ka badan 1.2 milyan oo qaxooti iyo magangalyo doon ah 2015 iyo 2016 markaas oo ay ugu sarraysay dhibaatada soogalootiga ee uu sababay dagaalka Suuriya.
Merkel, oo u soo shaqeysay ra’iisul wasaaraha Jarmalka 16 sano, ayaa sheegtay waqtigaas in xaaladdu “ay gelineyso qiyamka Yurubta imtixaannada in ka badan sidii hore.” Waa waajib bini’aadantinimo.”
Grandi waxa uu ammaanay go’aanka Merkel ee ah ilaalinta magangelyo-doonka iyo u hoggaansanaanta xuquuqda aadanaha, mabaadi’da bani’aadamnimada iyo sharciga caalamiga ah.
“Waxay ahayd hoggaan dhab ah oo soo jiitay dadnimadeenna guud, si adagna uga soo horjeeda kuwa cabsida iyo takoorka ka hadlaya,” ayuu hadalkiisa ku daray. “Waxay muujisay waxa la gaari karo marka siyaasiyiintu ay qaadaan tilaabada saxda ah.
