Kolonyo uu la socday Madaxweynaha wadanka Nigeria Muhammadu Buhari ayaa l xaqeejiyay in lagu weeraray Gobolka Katsina ee uu kasoo jeedo sida ay sheegeen ilo kala duwan oo deegaanka ah iyo saraakiil katirsan Ciidamada ammaanka.
Inta la xaqiijiyay 2 qof oo kamid ah saraakiisha ilaalada u ah Madaxweynahe Muhammadu Buhari ayaa dhaawac kasoo gaaray weerarkaas, waxaana la geeyay mid kamid ah Goobaha Caafimaadka si loo daweeyo.
Gawaarida la weeraray waxa ay ku wajahnaayeen Magaalada Daura oo uu kasoo jeedo Madaxweynaha Nigeria Muhammadu Buhari halkaas oo uu ugu tagalayay kulamo kala duwan uu kula ballansanaa Mas’uuliyiin kala duwan.
Madaxweynaha Nigeria Muhammadu Buhari oo isu diyaarinaya Munaasabadda Ciidul-Adxaa in uu Dadka Magaalada Daura ee Gobolka Katsina kala qayb qaato farxaddeeda ayuu u tagay Magaaladaas.
Gobolka Katsina ee dhaca Waqooyiga Nigeria waxaa ku nool Dad gaaraya 429,000 (Afar boqol, labaatan & sagaal kun) oo ruux, tan iyo 2015 waxaa ka dhacay dambiyo kala duwan sida Afduub, Dilal iyo weeraro Jid-gal ah.
