Taliska Ciidanka Dhulka XDS iyo Taliska Qeybta 21-aad oo Iska kaashanaya Qorshe lagu Dhaawacayo Difaaca Degaanka Koonfurta Mudug.
Saraakiil iyo Askar ka tirsan qaybta 21aad, Guutadiisa 13-aad ee XDS ayaa 2bilood ee lasoo dhaafay laga jartay mushaarkoodii, kuwaas oo ku sugan degmada Wisil ee koonfurta Gobolka Mudug, isla markaanau dhashay Beesha Sacad ee degta Degmadaasi.
Amarka lagu jaray Xuquuqda Ciidamadaan ayaa waxaa baxshay Taliyaha Ciidanka Dhulka Gen. Dayax Cabdi Cabdulle, kaas oo dhawaan ku booqday furimaha Dagaalka Koonfurta ee degaanada Shabeellow iyo Caad. Waxaana qorshahaan kula jira hogaanka sare Qeybta 21-aad, kuwaas oo amray inay kusoo xeroodaan xerada Tababarada Harqaboobe ee Gobolka Galgaduud.
Ciidaankaan ayaa kamid ahaa ciidamadii laga soo bilaabo 2021-kii ilaa hadda ku jiray dagaalka xaqa ah ee lagula jiro khawaarijta islamarkaasna ka xoreeyay deegaanno ay kamid yihiin Degmada Xarar-dheere, degaanada Shabeelloow, Camaara, Bacaadwayne, Caad, iyo sidoo kale degaano kale oo badan.
Gaashaanle Cabdiraxmaan Nuur Sahal Sheekeeye oo si wayn ugu dhex muuqday dagaalki khawaarijta lala galay ayaa qayb ka ah Saraakiisha loogu yeeray inay ku soo xaroodaan Xerada tababarka ee Harqaboobe.
Xildhibaanada iyo Masuuliyiinta Dowladda Federalka ku matala Beesha Sacad ayaa qorshahaan lagu dhaawacayo Difaaca degmada Wisil iyo degaanada Xortaa ee Koonfurta Mudug Indhaha ka qarsaday.
