Askari katirsan ciidamada dalka Nageria ayaa dilay haweeney qareen ah oo sidoo kale la sheegay in ay xaamilo aheyd, waxaana dilka haweeneydan si weyn uga carrooday shacabka Nageria.
Ciidamada booliska Nageria ayaa sheegay in ay baarayaan dilka askariga u geestay haweeneyda qareenka ah, waxaana haweeneydan la dilay xilli ay kasoo baxday kaniisadda Christmas-kii.
Afhayeen u hadlay booliiska magaalada Lagos ayaa wacad ku maray in baaritaanku uu noqon doono mid degdeg ah, waxa uuna xusay in caddaaladda la horgeyn doono dadka lagu helo dambiga.
Booliiska dalka Nageria ayaa lagu eedeeyay in ay wadaan tacadiyo ka dhan ah dadka rayidka ah, waxaana dhacdadan ciidamada ku dileen haweeneyda qareenka xoojisay dhaleeceynta booliiska loo jeedinayo.
Ad
