Ra’isul Wasaarihii Hore ee Soomaaliya Xasan Cali Khayre ayaa Maanta Kulan la qaatay Guddoomiyaha Guddiga Doorashooyinka ee Heer Federal, Maxamed Xasan Maxamed (Cirro) iyo xubno kale oo katirsan Guddiga.
Waxay Guddoomiyaha iyo xubnaha guddiga ee ku wehliyay kulanka iyo R/W Khayre ka wada hadleen qaabka ugu haboon ee Guddiyada Doorashooyinku ay uga shaqeyn karaan doorasho madax-banaan, hufan oo loo maray hannaan iyo habraac daah-furan oo caddaalad iyo dhex-dhexaadnimo ku dhisan.
Xasan cali khayre ayaa yiri ” Waxaan aad usoo dhowaynayaa ballan qaadka Guddoomiyaha iyo xubnaha guddiga oo ii caddeeyay in ay ka dheeraan doonaan wax kasta oo shaki galin kara natiijada doorashada, kana qaban doonaan dalka doorasho ka madax bannaan eex iyo qof jecleysi.
