Home puntland Puntland oo sheegtay in aysan Quseyn go.anka Mamnuucida Shirkada DP World ee...

Puntland oo sheegtay in aysan Quseyn go.anka Mamnuucida Shirkada DP World ee Barlamaanka..

2
SHARE

Wasiirka Dekedaha Puntland Siciid Maxamed Raage ayaa sheegay in aysan Puntland Waxba ka quseyn Qaraarka Baarlamanka Soomaaliya ay shaqada ugu joojiyeen Shirkadda DP-World.

Maamulka Dekeda Boosaaso ay gacanta ku heyso Shirkadda P&O oo hoos tagga DP-World ayuu sheegay in kaliya amarkaan uu ku eg yahay DP-World Somaliland oo gashay heshiiska Saami qeybsiga Dekeda Berbera.

Siciid Maxamed Raage oo ku sugan Imaaraatka Carabta ayaa sheegay in Maamulka Puntland ay la socdaan dhaq-dhaqaaqyada Shirkadda Maamusha Dekeda Boosaaso ee P&O.

“Xeerkaan ma saameynayo Puntland, waxa uu saameynayaa Maamulka Somaliland oo heshiis kula jirto DP-World, balse Puntland waxa ay heshiis kula jirtaa Shirkadda P&O oo laga leeyahay Imaaraatka Carabta” ayuu yiri Wasiirka Dekeda Puntland.

Golaha Shacabka ayaa qaraarkii ay codka ku ansixiyeen ee ka dhanka ahaa Shirkadda Caalamiga Dekeda ee Dubai (DP-World) kaga mamnuucay in Soomaaliya ay ka howlgasho.

Shirkadda P&O oo hoos tagga Shirkadda DP-World ayay Madaxda Puntland u dhiibeen maamulka Marsada Boosaaso, mana jiro war kasoo baxay Madaxda Maamulkaasi oo ay kaga hadlayaan.

Loading...

2 COMMENTS

  1. Waa laba sharikadood, laakiin waxaa soconaya Go,aanka Barlamaanka. wadanka kama shaqeynayaan, sharikado ay Dubey ku lug leedahey, Puntland Go,aanka Dowlada kama leexan karto, wuu qaldan yahey ninkaas.

LEAVE A REPLY

Please enter your comment!
Please enter your name here