Home Wararka Maanta Gudoomiye Ku xigeenka Gobalka Banaadir Cali yare iyo Safiirka Uganda oo Ku...

Gudoomiye Ku xigeenka Gobalka Banaadir Cali yare iyo Safiirka Uganda oo Ku Kulmay Muqdisho (Sawiro)

0

Guddoomiye Ku Xigeenka Amniga iyo Siyaasadda Maamulka Gobolka Banaadir Md. Cali Cabdi Wardheere ayaa maanta Xafiiskiisa ku qaabiley Safiirka dowladda Ugandha Ambassador Mugisha, waxa ayna labada masuul ka wada hadlay adkeynta Xiriirka soo jireenka ah ee ka dhexeeya Soomaaliya iyo Ugandha.

Ambassador Mugisha oo ka mahadceliyey sida loogu soo dhoweeyey xafiiska Amniga ee Magaalada Muqdisho ayaa sheegay in aaney Soomaaliya ka tageerin oo kali ah dhinaca Milatariga iyo dagaalka Al- Shabaab, balse ay taageero buuxda siiyaan Ciidanka Booliiska Soomaaliyeed oo ku howlan sugidda Amniga shacabka.

Mr. Mugisha ayaa intaa ku daray in xiriirka labada dal uu aad u wanaagsan yahay taasina ay saamaxdey in ay dalka Ugandha wax ka bartaan ku dhowaad lix kun oo arday oo ku jira kulliyado kala duwan, waxaa kale oo uu sheegay iney xiriir wanaagsani ka dhexeeyo Ganacsatada labada dal, isagoo hoosta kan xariiqay iney dalka Ugandha ku nool yihiin ka badan 40 kun oo soomaali ah.

Guddoomiye Cali Yare Cali oo u mahadceliyey safiirka ayaa ka codsaday in la so celiyo tababardii ay dowladda Ugandha siin jirtey shqaalaha dowladda hoose iyo Guddoomiyaasha degmooyinka Gobolka Banaadir.

Waxa kale oo uu Guddoomiye Cali Yare safiirka ka codsaday in la fududeeyo helitaan dal ku galka ee VISAHA maadaama ay Soomalidu aad u safarto.

Gebagebadii Ambassador Mugisha waxa uu balan qaaday in uu wax badan ka qaban doono codsiga Maamulka Gobolka Banaadir, waxaana lagu balamay in la joogteeyo kulamada u dhexeeya Safaaradda iyo Gobolka Banaadir.

Kulanka waxaa goobjoog ka ahaa qaar ka mid ah Agasimayaasha Maamulka Gobolka Banaadir, gaar ahaan Agaasimayaasha qeybta Amniga iyo Siyaasadda.

Ad
Previous articleWeriye Lagu xiray Galgaduud oo Goor dhaw Xabsiga Laga sii daayay
Next articleDowladda Kenya oo sheegtay inay dib u furayso Safaarada ay ku leedahay Somaliya (Akhriso)

LEAVE A REPLY

Please enter your comment!
Please enter your name here