Home Wararka Maanta Mareykanka oo Cadeeyey Sababta uu U Diiday dhowr codsi oo uga yimid...

Mareykanka oo Cadeeyey Sababta uu U Diiday dhowr codsi oo uga yimid Ciidamada Dowlada Soomaaliya

0

Mareykanka ayaa markii ugu horeysay shaaciyay sababta uu udiiday codsiyo dhowr ah oo uga yimid dowladda federaalka, kuwaasi oo la xiriiray howl-galada ka socda dalka ee ka dhanka ah Al-Shabaab.

Mareykanka ayaa fuliya duqeymo ka dhan ah kooxda Al-Shabaab, balse weeraradaas ayaa inta badan la fuliyaa marka bartilmaameedka huban yahay 100%, waxaana marar badan lagu gacan sayraa weerarada marka shaki uu jiro.

Waxaa sidoo kale, weerarada laga xaqiijiyaa ansixintooda Aqalka Cad, taasi oo qaadata waqti badan, keeni kartana mararka qaar in bartilmaameedka uu baxsado.

Taliska Ciiidanka Mareykanka ee Afrika (AFRICOM) ayaa sheegay in dowladda federaalka ka diideen codsiyo weeraro oo ay fulinayaan diyaardahooda duuliyaha lahayn marar badan, sababo la xiriira khasaaraha dadka rayidka ah darteed.

Sarkaal sare oo ka tirsan AFRICOM ayaa warbaahinta NBC u sheegay in codsiyada kaga yimaada dowladda federaalka ee la xiriira weerarada ay fuliyaan diyaaradaha Drones-ka ay u baahan yihiin xaqiijinta bartilmaameedka iyo waxyeelada kasoo gaari karta dadka rayidka ah.

“Codsiyo badan oo nooga imaaday dowladda federaalka iyo saraakiisheeda ayaa waxaa u diidnay hubanti la’aan goobta la beegsanayo ah,” ayuu yiri Sarkaalkan oo ku sugan saldhiga Ballidoogle ee Shabeellaha Dhexe.

Waxa uu intaas sii raaciyay “Hal weerar oo si qaldan u dhaca ayaa guul darro noogu filan annaga iyo bah-wadaagteenna, hal weerar oo si sax ah u dhaca ayaa sidoo kale guul noogu filan.”

Arrintan ayaa kusoo aadeysa xilli ay AFRICOM dhawaan qiratay in duqeymaha ay ka fulisay Soomaaliya qaarkood ay waxyeelo kasoo gaartay dad rayidka ah, iyada oo shaacisay inay heshay laba warbixinood oo dhaawac rayid ah oo dhacay Septembar 23, 2022 iyo October 1, 2022-kii.

“Talisku waxa uu sii wadi doonaa ilaalinta badqabka rayidka, wuxuuna sameyn doonaa dib u eegista iyo qiimaynta warbixin kasta oo ku saabsan waxyeelada shacabka” ayaa lagu yiri bayaan kasoo baxay AFRICOM.

Tan iyo markii ay bilowdeen howl-galada ka dhanka ah kooxda Al-Shabaab waxay diyaaradaha dagaalka ee Mareykanka kordhiyeen weerarada ay ka fuliyaan gudaha Soomaaliya, kuwaas oo badi lagu beegsado xubnaha iyo saraakiisha sar sare ee Al-Shabaab.

Ad
Previous articleFannaanka Costa Titch oo geeriyooday isagoo heesaya.
Next articleMaxkamadda Ciidamada oo Goordhow toogatay Cabdi Shakuur iyo Cabdi Jamaal Horay U Dilay Askar iyo Shacab

LEAVE A REPLY

Please enter your comment!
Please enter your name here