Duqa Degmada Gaalkacyo Mudane Cabdiraxmaan Shiikh Xasan Oo Hawlo Shaqo u jooga Muqdisho ayaa booqasho ku tagay Xafiiska Maamulka Gobalka Banaadir wuxuuna Halkaasi kula Kulmay oo kusoo dhaweeyay Gudoomiyaha Gobalka Banaadir ahna Duqa Caasimadda Muqdisho Mudane Cumar Maxamuud Maxamed ( Cumar Filish ) iyo Gudoomiye Ku xigeenada Amniga iyo Siyaasadda iyo Ku Xigeenka Arimaha Bulshada.sidoo kale waxà kulanka ku wehliyay Gudoomiyaha Degmada warta-nabada Marwo Zainab Xaabseey.
Maayarka iyo Masuuliyiinta Maamulka Gobalka Banaadir ayaa ka wada hadlay sidii ay isku kaashan lahaayeen Maamulka Gobalka Banaadir iyo Maamulka Degmada Gaalkacyo wuxuuna Duqa Degmadu Warbixin ka siiyay Masuuliyiinta uu la Kulmay Horumarka baaxadda leh ee ka Socda Gaalkacyo iyo Hiigsiga Maamulka uu Hogaamiyo.
