Home Wararka Maanta Rooble oo hadal Qiiro leh kasoo saaray Gudoomiyaha Barlamaanka ee la doortay

Rooble oo hadal Qiiro leh kasoo saaray Gudoomiyaha Barlamaanka ee la doortay

0

Raisul Wasaaraha Somalia Maxamed Xuseen Rooble ayaa hambalyo u diray gudoomiyaha cusub ee golaha shacabka Somalia Shiikh aadan Madoobe oo caawa loo doortay xilkaas.

HOOS KA AKHRISO QORAAL UU SOO SAARAY ROOBLE

Waxaan hambalyo iyo bogaadin diiran u dirayaa guddoomiyaha cusub ee Golaha Shacabka BJFS Mudane Sheekh Aadan Maxamed Nuur Madoobe oo caawa lagu doortay magaalo madaxda dalka ee Muqdisho.

Caawa waa habeen taariikhi ah oo umadda Soomaaliyeed sugayeen in muddo ah  qeyb muhiim ahna ka ah dhammeystirka geeddi-socodka doorashada dalka.

Guddoomiyaha cusub ee Golaha Shacabka  waxaan u rajeynayaa in uu eebbe u fududeeyo mas’uuliyadda culus ee loo doortay iyo in doorashada madaxweynaha dalka u maareeyaan si daah-furan, deg deg ah oo nabdoon, mas’uuliyaddaas oo ay la wadaaagaan guddoonka Aqalka Sare oo isagana la doortay.

Waxaa mahad leh Allaha weyn oo noo suurto-geliyay in howlshii adkeyd ee doorashadu soo gaartay heerkan gabo-gabada ah . Sidoo kale waxaan u mahadcelinayaa guddoonkii KMG ahaa ee labada aqal, guddiyadii doorashada heerar-kooda kala duwan, ciidamada ammaanka Dalka  iyo kuwa ATMIS, dowlad-goboleedyada dalka, beesha caalamka, shacabka Soomaaliyeed ee dulqaadka iyo taageerada nala garab joogay iyo cid kasta oo kaalin ku lahayd guushan la gaaray.

Ad
Previous articleMadaxweyne Farmaajo oo ka hadlay Doorashada la doortay Axmed Madoobe
Next articleKursi loo xiray Musharax Madaxweyne iyo Laba Kale oo Habraacooda La Shaaciyay

LEAVE A REPLY

Please enter your comment!
Please enter your name here