Home galmudug Faah faahin Qarax ka dhacay Muqdisho Gaar ahaan Garoonka Diyaaradaha Muqdisho

Faah faahin Qarax ka dhacay Muqdisho Gaar ahaan Garoonka Diyaaradaha Muqdisho

0
SHARE

Qarax aad u xooggan oo Ismiidaamin ahaa ayaa goor dhaw ka dhacay Muqdisho waxa uu ka dhacay xaafadda Buulo Xuubey ee degmada Wadajir, gaar ahaan dhabarka dambe ee Dhismihii  Soomaali Airline.

Goob joogayaal ayaa sheegay in qaraxan uu ahaa gaari laga soo buuxiyey walxaha qaraxa, waxaana dhanka kale la sheegayaa in gaarigan uu ku qarxay bar Koontarool oo ay ku sugnaayeen ciidamo ka tirsan dowladda Federaalka Soomaaliya.

Qaraxan ayaa ahaa mid dhowaqiisa laga maqlay inta badan magaalada Muqdisho, iyadoo weli aan la ogeyn khasaaraha halkaasi ka dhashay.

Qaraaxsi ka dib waxaa xigay Qarax kale sida aan Wararka Ku helnay waxaana Xooganaa Qaraxyada Midka Dambbe.

Goobta uu qaraxu ka dhacay waa meel ka agdhaw halka loo yaqaano Madiina Geed oo waxyar ujirta iridka laga galo Garoonka Diyaaradaha Muqdisho.

Gaadiidka gurmadka degdegga ah ayaa ku qulqulaya halka qaraxa  ka dhacay.

Wararka qaar ayaa sheegay in Xarunta midowga afrika la la eegtay qaraxaasi hasa ahaatee lama oga Run iyo Been Wararkaasi.
La soco faah faahinta.

LEAVE A REPLY

Please enter your comment!
Please enter your name here