Guddoomiyaha maamulka gobolka Banaadir, ahna duqa magaalada Muqdisho oo shir jaraa’id ku qabtay xafiiskiisa ayaa ka hadlay arrimo ku aadan bilasha barakeysan ee Ramadaan & duulaanka Israel ay ku qaaday shacabka reer Falastiin.
Yuusuf Xuseen Jimcaale (Madaale) ayaa ugu horreyntii bulshada Soomaaliyeed iyo dhammaan dadka Muslimiinta ah ugu hambaleeyay dhalasha bisha Ramadaan, isaga oo sidoo kale amar ku bixiyey in maqaayadaha ku yaalla Muqdisho aan la furi karin maalintii inta lagu guda jiro bisha Ramadaan.
Sidoo kale wuxuu soo hadal qaaday duulaanka ay Israel ku qaaday magaalada Gaza, halkaas oo ay ciidamada Yahuuda ay khasaare badan ku gaarsiiyeen shacab fara badan.
Madaale ayaa Israel ku eedeeyay inay carruur iyo waalidiintood ay ku leysay duqeymaha ay ka wada dhuka Falastiin, gaar ahaan magaalada Gaza.
Guddoomiyaha gobolka ayaa dhinaca kale guuk u rajeeyay walaalaha reer Falasteen, wuxuuna ugu duceeyay inuu Ilaah ka dul qaado dhibaatada ay ku hayso Israel.
“Bishaan barakeysan Ilaahet nasri ha siiyo dhammaan dadka muslimiinta ahna, Ilaah dhibta haka dulqaado” ayuu sii raaciyay guddoomiyaha gobolka Banaadir.
