Home Wararka Maanta 21,713 ardey oo Soomaali ah oo Galay Imtixaanka Dugsiga Sare oo ay...

21,713 ardey oo Soomaali ah oo Galay Imtixaanka Dugsiga Sare oo ay ka Baastay kaliya 74 arday

0

Maamulka Dawlad deegaanka Soomaalida Itoobiya ayaa baahiyay natiijada ardeydii gashay imtixaanka dugsiyada sare ee sanadkaan.

Balse natiijada ay baahisay wasaaradda waxbarashada ayaa noqotay mid aad uga fog waxa dad badan laga yaabo inay ka filayeen.

Wasiirka wasaaradda waxbarashada Dowlad Deegaanka Cabdullaahi Cabdi Aadan ayaa sheegay in wax ka badan 99% ardeydii gashay imtixaanka ay ku dhaceen.

Guud ahaan ardeyda u fariisatay imtixaanka aya wasaaraddu sheegtay in ay ahaayeen 21,787 ardey. Balse waxaa baasay 74 ardey oo kali ah.

“Hoos u dhac ayaa jira, natiijadu aadbay u hooseysaa. Waxay ku tusineysaa heerka ay marayso waxbarashadeenu,” ayuu yiri Cabdullaahi.

Maxaa sababay inay dhacaan areydu?

Sanadkii labaad guud ahaan Itoobiya ayaa ardeyda dugsiyada sare waxay ku dhowaad kulligood ku dhaceen imtixaanaadkii.

Dawlad Deegaanka Soomaalida ayaa waxaa imtixaanka u fariisay 121,787, waxaa baasay 74 ardey oo kaliya.

Maxamed Miyir Cawke waa macalin dugsiyada sare ee dawlad Deegaanka Soomaalida ka hawlgalayay in ka badan 13 sano, wuxuu sheegay in dhawr sababood ay keenaan in sanadkii labaad ay ardeydu ku dhacaan imtixaanaadka dugsiyada sare.

1.Sanadkii 2019 kii isbadalka lagu sameeyay manhajka waxbarashada Itoobiya, ayuu sheeay inay saameyn ku yeeshay ardeyda, taas oo buugaagtii wax ay ka baran jireen iyo kua cusubi ay farqi u dhaxeeyay.

“Nidaamkii oo aan loo diyaarsanayn, iyo ardeydii oo aan ka warhayn fulintiisa, wixii oo dhan waxay noqdeen wax saameyn adag ku leh ardeygii” ayuu yiri macalin cawke.

2.Dhibcaha lagu baaso imtixaanadka Itoobiya oo nidaamkooda wax laga badalay ayuu sheegay inay saameyn ku yeelatay areyda. Wax ka yar 350 dhibcood ardeyga keena imtixaanka dugsiga sare ayaa loo diiwan galiyaa inuu dhacay. Balse dawladihii hore ee itoobiya ayaa gobolada qaar u ogolaan jiray in ardeyda keena dhibco intaas ka yar ay ku baasi karaan imtixaanka.

“Dawladdu waxay smeyn jirtay markay ardeydu xoog u daataan…ardeyda deegaanada soo koraya sida deegaanada canfarta iyo deegaanka Soomaalida, waxaa la dhihi waa kuwa waxbarashada ku liita, dhibco gaar ah ayaa loo xisaabin jiray, hadda guud ahaan waa la simay natiijada ay ku baasi karaan ardeyda oo dhan,” ayuu yir Cawke.

Dhanka qaadista imtixaanada fasalada sideedaad iyo 12 aad ayaa waxaa la wareegay dawladda federaalka ee Itoobiya.

3.Dhanka kale ardeyda ayuu sheegay inay sidii laga filayayy u aqrin cashirada maadaama muddo dheer ay caadi ka dhax ahayd imtixinaada ‘inay qishaan, ama loo qisho. Haatan ayuu sheegay in dawladdu joojisay fursadihii ay wax ku qishi jireen ardeydu maadaama loo raraay goobihii imtixaanaaka lag ugali jiray.

“Tan iyo markii la badalay manhajka, waxaa soo yaraanayay waxaa loo yaqaano qishka, ama dugsiyadu ha qishaan ama macalimiinta ardeyda ilaalinaya haka shaqeeyaan areyda gudahooda haka shaqeeyaan,” ayuu hadalkiisa raaciyay.

Waxbarashada Itoobiya

Guud ahaan sanadkaan waxaa u fariistay imtixaanadka dugsiyada sare ee dalka itoobiya 845,000, waxaa ku baasay imtixaanka 27,267 ardey oo kaliya. tiradaas ayaa ka ah tirada guud %3. Sidoo kale sanadkii hore waxaa gudbay 30,000 oo ardey oo kaliya, taas oo muujineysa in wali uu jiro hoos u dhac.

Ad
Previous articleDonald Trump oo sheegay haddii dib loo doorto 2024 inuu diidi. Doono qoxootiga ka imaanaya Qasa, Suuriya, Soomaaliya, Yaman yo Liibiya
Next articleMacalin Dugsi Qur’aan iyo afar kamid ah ardaydiisa oo aano qabiil loogu dilay Shabeelada Dhexe iyo Xiisad aan horay loo arag oo halkaas ka taagan

LEAVE A REPLY

Please enter your comment!
Please enter your name here