Home Wararka Maanta Ciidamada Maraykanka ee ku sugan Ciraaq iyo Suuriya oo lagu Qaaday ...

Ciidamada Maraykanka ee ku sugan Ciraaq iyo Suuriya oo lagu Qaaday weerar loogu aargudaayo Reer Falastiin

0

Ciidamada Maraykanka ee ku sugan Ciraaq iyo Suuriya ayaa lagu weeraray diyaaradaha drones-ka ama gantaalaha kooxaha ay taageerto Iran ugu yaraan 38 jeer wax ka yar bil, kuwaas oo ay ku jiraan lix weerar oo dhacay labadii maalmood ee lasoo dhaafay, sida ay sheegtay waaxda gaashaandhigga Mareykanka ee Pentagon-ka.

Saraakiisha difaaca ayaa sheegay in inta badan weerarradan ay fashiliyeen ciidamada Mareykanka ama ay ku guuldareysteen inay gaaraan bartilmaameedkooda.

Weeraradaas waxaa ku dhaawacmay 46 askari oo Maraykan ah, waana in ka badan laba jibbaar intii hore loo sheegay, sida lagu sheegay tirokoob uu Isniintii bixiyay xoghayaha warfaafinta ee Pentagon-ka Brigadier General Pat Ryder.

“Dhaawacyadani waxay noqon karaan waxyaabo ay ka mid yihiin firirm, madax-xanuun, dhaga-dillaac, maqal-yari, murgacashada anqawga, iyo sidoo kale dhaawacyo maskaxeed oo naxdin leh.” ayuu yiri Pat Ryder.

Khasaaraha Maraykanka ayaa ka dhashay afar weerar oo kala ahaa: weerar ay diyaarad Drone ah ku qaadday saldhigga hawada Hariir ee Erbil, halkaas oo ay ku burburtay diyaaradda ka hor intii aysan qarxin; Labo weerar oo ay fuliyeen diyaaradaha aan duuliyaha lahayn ee Al-Asad ee galbeedka Ciraaq, iyo weerar ay diyaarad Drone ah ku qaadday xerada Al-Tanf ee Suuriya.

Ryder ayaa u sheegay suxufiyiinta Isniintii in dhammaan askartii dhaawacantay ay kusoo laabteen shaqada. Si kastaba ha ahaatee, laba ka tirsan ciidamada Maraykan ah ayaa loo diray Xarunta Caafimaadka Gobolka Landstuhl ee Jarmalka si baaritaan dheeraad ah loogu sameeyo, si loga daaweyo xanuunka dhimirka.

Ugu yaraan 16 ka mid ah weerarada inta badan aan lagu guuleysan ee ka dhanka ah ciidamada Mareykanka ayaa la fuliyay kadib markii ciidamada Mareykanku ay Jimcihii lasoo dhaafay ay weerareen xarun lagu keydiyo hubka iyo rasaasta oo ku taal bariga Suuriya, taasoo Pentagon-ku ay sheegtay inay lahaayeen Iran iyo kooxaha xiriirka la leh.

Ad
Previous articleDagaal uu Sabab u ahaa Kabtan Ayuub oo ka Dhacay Garowe iyo Dad ku Dhintay
Next article28 Qof oo Doonaayay inay Alshabaab ku Biiraan oo Gacanta Lagu Dhigay

LEAVE A REPLY

Please enter your comment!
Please enter your name here