Ugu Danbayn Ciidanka dowladda oo gudaha u galay Degmada Ceelbuur Ciidamadaan oo kahor inta aysan Galin Magaalada Alshabaab kala Hortageen Gaari uu Waday Qof ismiidaamiye.
Mid kamid ah Saraakiisha Hogaaminaysay Weerarkaan ayaa Warbaahinta Ku Yiri:
Ciidamada Xoogga iyo kuwa deegaanka ayaa goordhow ku guuleystay fashilinta qarax is miidaamin ah oo laga soo buuxiyey gaari saaruf ah, kaasi oo lagu soo weerarey iyagoo ciidamada maraya halka lagu magacaabo Jeexan oo ku taala afaafka Degmada Ceelbuur ee Gobolka Galgaduud.
Dowladda Soomaaliya ayaa sheegtay in ciidankeedu uu qabsaday degmada istaraatiijiga ah ee Ceelbuur ee gobolka Galgaduud, kadib markii maleeshiyada Al-Shabaab ay degmadaasi ka carareen.
Jeneraal Axmed Aadan, Taliyaha ciidamada lugta Soomaaliya ayaa VOA u xaqijiyay in ciidamada dowladda iyo kuwa deeggaanku ay goor dhaweyd gudaha u galeen degmada Ceelbuur.
Degmada Ceelbuur ee gobolka Galgaduud ee bartamaha Soomaaliya ayaa waxaa gacanta ku hayay kooxda al-Shabaab tan iyo sanaddii 2017 oo ay dib u qabsadeen.
Qabashada Ceelbuur ayaa noqonaya guul-darro xooggan oo kooxda Al-Shabaab soo wajahaday, maadama u ahaa fadhiisinkii ugu weynaa ee kooxdu ay ka joogtay bartamaha Soomaaliya.
majirin Wax Dagaal ah oo kale oo Ka Dhacay Magaalada Ceelbuur kahor inta aysan Ciidamada Dowladu gudaha Ugalin Ciidmada ayaana Dhowr jiho kasoo Galay Degmada Ceelbuur oo Haawanaysa.
Majiro Qof ku sugan Shacab iyo Alshabaab Gudaha Magaalada Alshabaab ayaana Horay usii kaxaystay Dadkii Daganaa Magaladaan waxaana La sheegay inay La aadeen Dhulka Ay wali maamulaan oo Ka Tirsan Galmudug.
Ciidamada Hada la wareegay ayaa ah kuwii ka yimid Dhanka Wabxo oo uu Hogaaminaayo Ismaaciil Cabdimaalik iyo kuwa Danab Sidoo kale Ciidamada Dadka Deegaanka Beesha Duduble ayaa lasocda Ciidmadaan.
MD Xasan Sheekh oo goordhaw lafilayaa inuu hadlo kana Warbixiyo Qabashada Magaladaan ay Alshabaab Maamulaayeen inkabadan 16 sano.
